“Moenie maak soos ek maak nie, maak soos ek sê” is ‘n fout wat ons as ouers dikwels begaan. Ek neul oor die deurmekaar kaste en kamers terwyl my eie hopie opgevoude wasgoed nog op die vloer in die aantrekkamer staan. 

Mens droom baie kere, wanneer jou kinders nog klein is, van al die boeke wat julle saam gaan lees en hoe lekker dit gaan wees om jou gunstelinge weer in die biblioteek te ontdek en dit nogmaals saam met hulle te geniet.